Lajme
Të Gjelbrit, pas suksesit të madh zgjedhor, duan një vend në Qeveri
Shefi i Grupit Parlamentar, Glättli, ka theksuar se GPS kërkon në mënyrë konkrete njërin vend të FDP-së (liberalëve)
Partia e Gjelbër e Zvicrës (Grüne Partei Schweiz), pas suksesit të madh që arriti në zgjedhjet parlamentare të mbajtura në tetor, ka vendosur që të kërkojë një vend në Qeverinë Federale. Siç dihet, kjo qeveri prej 7 ministrash përbëhet nga përfaqësuesit e katër partive më të mëdha në parlament, shkruan albinfo.ch.. Përbërja përcaktohet sipas të ashtuqajtiurës “formulë magjike”. Tri partitë më të mëdha (SVP, SP dhe FDP) kanë nga 2 vende ndërsa CVP, një vend.
Me rezultatet e zgjedhjeve të fundit, është GPS partia e katërt për nga madhësia e jo më CVP. Nisur nga kjo, konsiderohet legjitime kërkesa e të gjelbërve për të marrë një vend në ekzekutiv.
Pasi që kryetarja e kësaj partie, Regula Rütz e kishte bërë me dije disa herë ambicien për hyrje në qeveri, këtë e ka mbështetur sot edhe grupi parlamentar i kësaj partie. Siç ka deklaruar shefi i grupit, Balthasar Glättli, partia mbështet kandidaturën e përmendur, shkruan srf.ch.
Por ai ka theksuar më tutje se, duke bërë këtë lëvizje, GPS kërkon në mënyrë konkrete njërin vend të FDP-së (liberalëve). Kjo parti i ka dy vende në ekzekutiv por rezultatet e saj, pas ngritjes së madhe të GPS nuk janë shumë mbi ato të të gjelbërve.
Paraprakisht është spekuluar se GPS mund ta synonte edhe njërin nga dy vendet që deri tasni i takonin SP-së (socialdemokratëve).
FDP e ndier e sulmuar, ka kundërshtuar qëndrimin e GPS. Kryetarja e FDP, Petra Gössi ka hedhur poshtë “formulën e re matematikore” që po përdoret për përbërjen e qeverisë. Nga ana tjetër ajo ka lavdëruar punën e dy ministrave që vinë nga kjo parti, Ignazio Cassis dhe Karin Keller-Sutter.
Të dy këta kanë treguar rezultate shumë të mira në qeverisje dhe nuk ka asnjë arsye që postet e tyre të vihen në dyshim.
Pikërisht ministri Cassis që vjen nga Ticino, është përmendur si cak i mundshëm për t`u “rrëzuar” në këtë rokadë.
Ndërkohë, SVP, si partia më e madhe në vend e ka kundërshtuar po ashtu ambicjen e GPS, ndërsa CVP do të diskutojë të shtunën lidhur me këtë çështje.
SP ndërkaq ka deklaruar se ambicja e GPS është rrjedhojë logjike e rezultatit të saj zgjedhor.
Të ngjashme
Të tjera nga Lajme
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë