Në detyrë për të shpëtuar nënën e tij

Tërmeti në Shqipëri ka sjellë edhe disa histori interesante

Rreth 1,900 forca policie janë të angazhuara në terren për t’u ardhur në ndihmë banorëve të prekur nga tërmeti.

Por, një prej tyre ka mbërritur pikërisht në pallatin ku jetonte nëna e tij, në Thumanë.

Gazetari i Top Channel, Muhamed Veliu, raportoi se polici, i cili mban edhe një shall jeshil, është përfshirë intensivisht për të nxjerrë nga rrënojat nënën e tij dhe banorët e tjerë të bllokuar, përcjell albinfo.ch.

Në Thumanë numërohen deri më tani 5 viktima, ndërkohë që në total janë 15 persona që kanë humbur jetën si pasojë e shembjeve të godinave në Durrës dhe Kurbin.

---