Një shqiptar në Greqi tenton ta djegë gruan

Një ngjarje e rëndë ka ndodhur në Greqi me protagonistë dy shqiptarë.

Burrë e grua, të cilët prej vitesh jetonin në Kalamata të Greqisë, kanë shkaktuar panik në zonë, pasi burri ka tentuar të djegë gruan, të dy nga Shqipëria.

Sipas mediave greke, 45-vjeçari e ka lyer gruan e tij, shqiptare gjithashtu, me benzinë dhe e ka djegur të gjallë.

Kanë qenë fqinjët ata që kanë vënë re flakët në banesë dhe kanë lajmëruar autoritetet përkatëse, përfshirë edhe zjarrfikësen.

Gruaja, aktuslisht ndodhet në gjendje të rëndë, ndërsa shqiptari ka përfunduar i plagosur lehtë, për shkak të flakëve.

Të njëtat media shkruajnë se dyshja kishin konflikte prej kohësh dhe se tentativa e vrasjes ka ardhur si pasojë e një sherri momental.

Ata janë edhe prindër të dy fëmijëve, 14 dhe 18 vjeç, të cilët fatmirësisht nuk ndodheshin në banesë për të parë skenën e frikshme.