Kosova
UEFA gjobit Çekinë për fyerjet ndaj “dardanëve”
UEFA, përkatësisht Trupi i Kontrollit, Etikës dhe Disiplinës (CEDB) ka dënuar Federatën e Futbollit të Çekisë me 17.750 euro për fyerjet ndaj “dardanëve”
Është bërë e ditur se Trupi i Kontrollit, Etikës dhe Disiplinës (CEDB) nga UEFA ka gjobitur Federatën e Futbollit të Çekisë për shkak të sjelljeve jokorrekte të tifozëve çekë në ndeshjen me Kosovën.
Pra, Federata Çeke e Futbollit nuk ka shpëtuar pa gjobë për shkak të fyrjeve ndaj tifozëve “dardanëve”.
Kujtojmë se ndeshja Çeki – Kosovë ishte luajtur më 14 nëntor në Plzen, ndërsa çekët me fitore 2:1 bënë hapin vendimtar drejt Evropianit të vitit tjetër.
Ndeshja në Plzen ishte vlerësuar e rrezikshmërisë së lartë për shkak të qëndrimit anti-Kosovë që kanë grupe të shumta të tifozëve e huliganëve në Çeki. Autoritetet çeke kishin thënë se kanë marrë të gjitha masat për të parandaluar incidentet, por të tilla megjithatë kishte.
Duhet theksuar se në ditën e ndeshjes në Plzen ishin sulmuar tifozë të Kosovës nga grupe huliganësh çekë. Ndërsa gjatë ndeshjes, me gjithë masat e rrepta të sigurisë, ishin shfaqur flamuj të Serbisë, në të cilët ishte shkruar “Kosova është Serbi”. Po ashtu ka pasur thirrje për Kosovën si pjesë të Serbisë, shkruan kohanet.
Andaj, për mesazhet e natyrës politike, Federata e Futbollit e Çekisë është gjobitur të premten nga UEFA, përkatësisht nga Trupi i Kontrollit, Etikës dhe Disiplinës (CEDB).
“CEDB ka vendosur të dënojë Federatën e Futbollit të Çekisë me 17.750 euro për mesazhe provokuese politike dhe për hedhje të gjësendeve”, thuhet në njoftimin e UEFA-s.
Nga ana tjetër, edhe lojtarë të Kosovës ishin ankuar për fyerjet që ua kishin bërë tifozët çekë.
Me vendimin e së premtes vetëm është konfirmuar se Kosova ishte pjesë e një grupi shumë problematik. UEFA kishte dënuar më herët edhe Federatën bullgare për fyerje ndaj Kosovës. Po ashtu një gjobë ishte dhënë për ndeshjen ndërmjet Kosovës e Malit të Zi, ku kjo e fundit ka kaluar më keq, përcjell albinfo.ch.
Të ngjashme
Të tjera nga Kosova
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Fëmijët të mbahen larg celularëve Politikanët e Bazelit po bëjnë thirrje për ndalimin e telefonave celularë në shkolla dhe më shumë...
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?