Shqipëria
Viti i Ri në Shqipëri: Gjeldeti nuk bën të mungojë në tryezën festive
Viti i Ri është festa më e rëndësishme e vitit në Shqipëri. Prandaj për këtë festë shërbehet vetëm më e mira nga më të mirat. Kështu, gjeldeti (bibani) tradicional nuk bën të mungojë në tryezën festive
Transmetuesi publik gjerman ARD ka përgatitur një kronikë mbi mënyrën e festimit të Vitit të Ri në Shqipëri dhe mbi gjeldetin “e domosdoshëm” në këtë festë.
Viti i Ri është festa më e rëndësishme e vitit në Shqipëri. Prandaj për këtë festë shërbehet vetëm më e mira nga më të mirat. Kështu, gjeldeti (bibani) tradicional nuk bën të mungojë në tryezën festive. Shërbehet i pjekur dhe i mbushur me një lloj buke të veçantë, thuhet në kronikën e televizionit gjerman.
Fshati Baldushk, rreth 20 kilometra larg kryeqytetit, Tiranës, është i njohur për gjelat e tij të detit. Shumë shqiptarë vijnë këtu që të furnizohen për Vitin e Ri, transmeton albinfo.ch. Në tregun e bibanëve ose direkt nga fermerët e vegjël. Për këta të fundit, shitja e gjelave është një burim i rëndësishëm i të ardhurave, sepse shumë prej banorëve në Baldushk janë ose të papunë, jetojnë me pensione minimale ose shesin produkte bujqësore, përcjell albinfo.ch. Ata po luftojnë gjithashtu me dëmin që u shkaktua këtu gjatë tërmetit të rëndë që i goditi në fund të nëntorit 2019.
Përgatitja
Gjeldeti, përfshirë këtu edhe të brendshmet, gatuhet në një tenxhere të madhe, pas së cilës ai futet në furrë për pjekje, nganjëherë i mbushur dhe me arra ose gështenja.
Si shtojcë, zakonisht shërbehet “përsheshi”. Për të bërë këtë, piqet “kulaçi”, një bukë e veçantë e bërë nga mielli i grurit, soda e bukës, vezët, uji dhe kripa. Supa e përftuar më parë duke zier gjeldetin, me të brendshmet e grimcuara, rafinohet me kripë, piper, marjoran, rigon, gjalpë dhe qepë. Buka, e prerë në copa të vogla, derdhet bashkë me supën. Të dyja përzihen derisa të formohet një masë e butë. E gjitha kjo piqet dhe pastaj “bëhet përshesh” që vendoset në tavë, si bazë mbi të cilën shërbehet gjeldeti.
Të ngjashme
Të tjera nga Shqipëria
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen