SHBA-ja u ndalon fluturimet kompanive ajrore amerikane mbi Iran dhe Irak

Njoftimi vjen pasi Irani sulmoi bazat amerikane në Irak

Informacionet e fundit tregojnë se Shtetet e Bashkuara kanë ndaluar të gjitha fluturimet e transportuesve amerikanë në Irak, Iran dhe në Gjirin Persik, pas sulmeve me raketa ndaj forcave amerikane në Irak, më 8 janar, transmeton albinfo.ch.

Së fundmi, Administrata Federale e Aviacionit Amerikan (FAA) ka lëshuar një njoftim për ndalesën e “operatorëve të aviacionit civil, nga operimi në hapësirën ajrore mbi Irak, Iran dhe ujërat e Gjirit Persik si dhe të Gjirit të Omanit”.

FAA do të vazhdojë të vëzhgojë nga afër ngjarjet në Lindjen e Mesme, thuhet në deklaratë.

Duhet theksuar se njoftimi u bë vetëm disa orë pasi Irani sulmoi me raketa balistike, nga territori i tij, duke synuar të paktën dy baza ushtarake irakiane që strehojnë personelin e koalicionit të udhëhequr nga SHBA-ja.

FNga ana tjetër FAA tha se ndalimi i fluturimeve në këtë hapësirë ajrore bëhet “për shkak të aktiviteteve të ngritura ushtarake dhe tensioneve të rritura politike në Lindjen e Mesme, të cilat paraqesin një rrezik për operacionet e aviacionit civil të SHBA-së.

Në orët e para të mengjesit, avion ukrainas 737-800 që operonte nga Ukraine International Airlines, u ngrit nga aeroporti të mërkurën në mëngjes dhe pothuajse menjëherë e ndali dërgimin e të dhënave.

Raportet paraprake sugjerojnë se avioni ishte në rrugë drejt kryeqytetit ukrainas, Kiev.

Nga ana tjetër, presidenti i Ukrainës, Volodymyr Zelenskiy, tha se askush nuk ka mbijetuar.

Ndërkohë, të dhënat e fluturimit tregojnë se aeroplani u ngrit nga aeroporti të mërkurën në mëngjes dhe pothuajse menjëherë e ndali dërgimin e të dhënave, sipas faqes së internetit FlightRadar24. /Albinfo.ch.

---