Aktivitet ndërkombëtar në Kosovë për njohjen e vlerave të shpendëve të ujit

Në kuadër të aktiviteteve për monitorimin dhe inventarizimin e biodiversitetit, për herë të dytë me radhë Agjencia për Mbrojtjen e Mjedisit të Kosovës, përmes Institutit për Mbrojtjen e Natyrës do të realizojë Censusin Ndërkombëtar të Shpendëve të Ujit në datat 11-12 janar 2020.

Në këtë aktivitet ndërkombëtar, që është paraparë të zhvillohet në pothuajse të gjitha liqenet dhe ligatinat e njohura në Kosovës, pritet të marrin pjesë edhe vullnetarët nga “Wildlife Albanian Photographers” si dhe organizata të tjera mjedisore dhe dashamirë të natyrës dhe fotografisë.

Aktiviteti është duke u realizuar në kuadër të IWC 2020 (International Waterbird Census) që organizohet në nivel botëror, që prej më se 54 vjetësh, nga Wetlands International. Ky census i shërben njohjes më të mirë të vlerave të ekosistemeve ligatinore për shpendët e ujit në Kosovë si dhe mundëson mbrojtjen më të mirë dhe menaxhimin e duhur të tyre në të ardhmen, shkruan albinfo.ch.

---