Ministria e Diasporës inkurajon përfshirjen e fëmijëve në shkollat shqipe

Është bërë e ditur se Ministria e Diasporës dhe Investimeve Strategjike e Kosovës inkurajon bashkatdhetarët në diasporë që të vazhdojnë t’i dërgojnë fëmijët në mësimin plotësues të gjuhës shqipe, shkruan albinfo.ch.

Po ashtu kjo ministri ka bërë të ditur se për nevojat e mësimit plotësues në diasporë për vitin 2019 janë dërguar 19,111 njësi mësimore dhe këtë vit presim që ky numër të tejkalohet, duke pasur parasysh rritjen e kërkesave si rezultat i hapjes së shkollave të reja shqipe.

Sipas tyre, nxënësit, të cilët ndjekin mësimin plotësues, mësojnë dhe i zhvillojnë këto shkathtësi: ruajnë kulturën dhe traditën, mësojnë historinë e të parëve të tyre, lidhen më shumë me atdheun e tyre, komunikojnë bukur shqip, lexojnë rrjedhshëm në gjuhën shqipe, shkruajnë sipas rregullave të drejtshkrimit, mësojnë gjeografinë e trojeve shqiptare, socializohen me bashkëmoshatarët e tyre nga vendet prej nga vijnë, si dhe integrohen më lehtë në shtetin ku jetojnë.

 

 

 

 

 

 

 

---