“Kurier”: Prishtina, një nga qytetet që duhet vizituar gjatë 2020-ës

Edhe Prishtina, destinacion turistik i preferuar

Gazeta austriake “Kurier”, bazuar në aplikacionin e specializuar për udhëtime gjatë vikendit “Weekend.com”, ka sugjeruar pesë qytetet e Evropës Juglindore që duhet vizituar gjatë vitit 2020.

Në mesin e tyre, edhe kryeqyteti i Kosovës, Prishtina.

Në vendin e parë të listës, sipas kësaj gazete, është qyteti i Rumanisë, Timisoara, të cilën gazeta e ka quajtur “Vjena e vogël”. “Jo vetëm që mahnit me ndërtesa madhështore në stilin e Barokut vjenez, por edhe magjeps me ndërtesat e veta historike me ngjyra të ndritshme”, raporton “Kurier”, përcjell albinfo.ch.

Menjëherë më pas, në vendin e dytë si destinacion i preferuar për t’u vizituar, renditet kryeqyteti i Kosovës, Prishtina.

“Prishtina nuk është vetëm qyteti më i madh në Kosovë, por edhe më moderni në vend – duke përfshirë me lokale si vendtakime dhe restorante moderne dhe të kategorisë së lartë. Ata që dëshirojnë të vizitojnë kryeqytetin e Kosovës, mund të vizitojnë Bibliotekën Kombëtare ose të mësojnë për historinë në Muzeun Kombëtar. Një ngjitje e shkurtër në ndërtesën e Katedrales “Nënë Tereza” premton një pamje të mrekullueshme të pikave kryesore arkitektonike, si: Xhamia e Madhe dhe malet përreth.

Edhe me një kafe të mirë, përshtypjet nga kohërat e luftës mund të largohen, një luftë në të cilën Kosova ka marrë mbështetje të madhe nga BE dhe SHBA. Për shkak të kësaj, sot në Prishtinë është shtatorja e Bill Klintonit dhe monumenti Newborn, i cili ridizajnohet çdo vit me një mesazh liridashës”, shkruan gazeta, njofton albinfo.ch.
Pas Prishtinës në vendin e tretë renditet kryeqyteti bullgar, Sofia, për të vijuar me Odesa në Ukrainë dhe në vend të pestë gjendet sërish një qytet në Rumani, Cluj – Napoca

---