Mjekët kinezë nisen drejt Italisë, me 33 tonë furnizime mjekësore

Furnizimet mjekësore vijnë nga disa qytete kineze.

Është bërë e ditur se një ekip mjekësh kinezë janë nisur drejt Italisë, për t’i asistuar kolegët vendas në betejën me koronavirusin.

Kina, që sipas mediave vendase ka regjistruar një rënie të madhe në numrin e të infektuarve me koronavirus, ka vendosur të nisë drejt Italisë edhe 33 tonë pajisje mjekësore.

Furnizimet mjekësore vijnë nga disa qytete kineze.

Mjekët kanë sjellë edhe sasi të konsiderueshme të barit “Lianhua Qingwen”, që ka treguar se lufton me efektivitet të lartë inflamacionin në mushkëri.

Mjekët janë pjesë e Komisionit Kombëtar të Shëndetësisë së Kinës dhe Kryqi i Kuq në Kinë.

Ata nuk kanë një datë të vendosur për kthimin në Kinë, por thonë se kjo do të vendoset në varësi se si do të shkojë situata në Itali.

Italia është vendi i dytë në botë më i prekur nga koronavirusi me mbi 800 të vdekur, përcjell albinfo.ch.

---