Lajme
Gjeneva tërheq vendimin për mbylljen e kantiereve të ndërtimit
Vendimi i Gjenevës i marrë javën e kaluar në lidhje me mbylljen e kantiereve të ndërtimit kishte shkaktuar shqetësim në shkallë vendi
Qeveria kantonale e Gjenevës ka ndryshuar sot vendimin e saj të para disa ditëve për të mbyllur kantieret e ndërtimit. Me këtë hap, qeveria në fjalë i është përshtatur rregullores së Këshillit Federal.
Kantieret mund të hapen përsëri – por vetëm mbi bazë të kërkesës dhe në kushte të rrepta, shkruan srf.ch. Kushdo që dëshiron të fillojë ose të vazhdojë punën në lëmin e ndërtimit duhet të aplikojë në kanton.
Me këtë rast kërkohen prova se do të mund të respektohen rregullat shëndetësore dhe higjenike të nxjerra nga Qeveria Federale, transmeton albinfo.ch . Kjo vlen veçanërisht për higjenën dhe distancën midis punonjësve veç e veç.
Kompanitë duhet të raportojnë pranë inspektoratit të ndërtimit, i cili kontrollon respektimin e rregulloreve në vend. Në rast të shkeljeve, mund të vendosen masa penale dhe sanksione, është thënë nga Qeveria. Ajo ka njoftuar se do të ketë kontrolle të rregullta dhe të rrepta nga autoritetet.
Vendimi i Gjenevës në lidhje me mbylljen e kantiereve të ndërtimit kishte shkaktuar shqetësim në shkallë vendi. Asnjë kanton tjetër nuk kishte imponuar masa të tilla drastike në lëmin e ndërtimit për shkak të përhapjes së virusit.
Kështu thuhej në vendimin e marrë të premten e kaluar nga Qeveria e Kantonit të Gjenevës:
“Shkelësit e këtij vendimi mund të gjobiten deri në 300,000 franga”, ka thënë ministri në ekzekutivin e Gjenevës Serge Dal Busco në një konferencë për media, të mbajtur përmes internetit, tranmseton albinfo.ch. Përjashtimet mund të lejohen vetëm për arsye sigurie ose për një interes publik madhor.
Ndërsa aplikimet eventuale për të vazhduar punën, do të vlerësohen nga një organ trepalësh, i përbërë nga sindikatat, punëdhënësit dhe shteti.
Të ngjashme
Të tjera nga Lajme
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën