Masat e reja: Nga 15 prilli qytetarët e Kosovës mund të lëvizin vetëm 90 minuta në ditë

Ministri në detyrë i Shëndetësisë, Arben Vitia, ka thënë se prej 15 prillit, në Kosovë do të ketë masa rigoroze kundër koronavirusit.

Në kuadër të masave të reja është edhe kohëzgjatja e lejimit të qarkullimit të lirë, e cila do të jetë vetëm një orë e gjysmë në ditë.

’Mbrëmë u konfirmuan edhe 72 raste të reja. Edhe pse shumica e qytetarëve kanë zbatuar rekomandimet, ditët e fundit pasi pamë daljen e madhe të qytetarëve për shkak të kohës së mirë kemi parë një mosrespektim të masave. Sot morëm vendimin për masa të reja për parandalimin e sëmundjes Covid. Qytetarë të nderuar, fillimisht ju falënderoj për durimin. Duhet të mbajmë lakorën të sheshtë‘’, thotë Vitia.

‘’Këto masa që do të hyjnë të mërkurën në ora 6 të zbatohen në përpikëri. Organet gjegjëse do sigurohen për zbatimin e këtyre masave. Nëse bashkëpunojmë mudn të sigurohemi që këto masa të qëndrojnë në fuqi për kohën më të vogël të mundshme. Një mase më e vogël e bindjes e ndonjërit prej nesh mnund të rrezikojë virusin në tërësi. Sa më shumë i respektojmë do mund të kalojmë këtë periudhë. Sidomos ditët e para do të jenë të vështira. Presim një sprovë të vëshitrë. Nuk guxojmë të tolerojmë as lëshimet më të vogla’’

‘’Prej datës 15 prill 2020 në 06 të mëngjesit ndalohet qarkullimi i qytetarëve jashtë banesave’’

‘’Për personat mbi moshën 16 vjecare lejohet qarkullimi për furnizim me ushqime për familje dhe pagesa bankare për jo më shumë se 1 orë e gjysmë. ‘’

‘’Gjatë qarkullimit nuk lejohet shoqërim nga asnjë person fizik përvec në dy raste. Personat me aftësi të kufizuara dhe personat nën moshën 16 vjec në prani të kujdestarit. ‘’, tha ndër të tjera Vitia.

Në Kosovë aktualisht janë konfirmuar 362 persona të prekur me Covid-19. 59 janë shëruar derisa 7 persona kanë humbur jetën

Konferenca ende po vazhdon, përcjell Albinfo.ch.