Kosovë: Vdes edhe një person nga Covid-19, shkon në 21 numri total i viktimave

Sot gjatë mesditës në Kosovë është shënuar edhe një vdekje nga pandemia e koronavirusit.

Numri i përgjithshëm i viktimave deri më tani arrin në 21.

Këtë e ka konfirmuar përmes një komunikate për media Ministria e Shëndetësisë.

“Klinika Infektive ka njoftuar se sot me datë 26/04/ 2020 në orët e mesditës ka përfunduar me vdekje pacienti me inicialet M.I.(1976), nga komuna e Gjilanit. Pacienti është spitalizuar në Klinikën Infektive me datën 17/04/2020, është konfirmuar me COVID-19, dhe është pranuar në gjendje shumë të rëndë”, thuhet në komunikatë.

Tutje thuhet se i njëjti prej vitesh vuante edhe nga sëmundje të tjera, përcjell Albinfo.ch