Lajme
Në Ticino, vdekshmëria e mbi 65-vjeçarëve, 3-fish më e lartë se normalja
Në kulmin e vdekshmërisë së lidhur me koronavirusin, nga 30 marsi, ka pasur tri herë herë më shumë njerëz mbi 65 vjeç që kanë vdekur në Tiçino sesa mund të pritej bazuar në numrin e vdekjeve "normale"
Zyra Federale e Statistikave (BFS) ka bërë një rillogaritje të asaj që quhet “mbivdekshmëri”, gjegjësisht të numrit të vdekjeve që tejkalojnë mesataren. Këtë llogaritje e ka bërë sipas regjioneve kryesore të vendit, shkruan sda.ch.
Pas shpërthimit të koronavirusit, Ticino ka qenë rajoni i parë i cili, duke filluar nga 9 marsi, ka përjetuar vdekshmëri të rritur.
Në kulmin e vdekshmërisë së lidhur me koronavirusin, në javën kalendarike 14 (nga 30 marsi), ka pasur tri herë herë më shumë njerëz mbi 65 vjeç që kanë vdekur në Zvicrën jugore (Tiçino) sesa mund të pritej bazuar në numrin e vdekjeve “normale” në pesë vitet e fundit, transmeton albinfo.ch.
Në rajonin e Liqenit të Gjenevës, (Kantonet Gjenevë dhe Vaud) një javë pas Ticinos, nga 16 marsi është regjistruar gjithashtu një “mbivdekshmëri” e theksuar e personave mbi 65 vjeçarë. Në kulmin e saj – gjithashtu në javën kalendarike 14 – kanë vdekur dy herë më shumë njerëz se sa do të pritej statistikisht, përcjell albinfo.ch.
Meqenëse kjo zonë ka më shumë popullsi se Ticino, rajoni i Liqenit të Gjenevës në terma absolutë është prekur më rëndë nga “mbivdekshmëria” .
Zvicra Veriperëndimore ka ndjerë mbivdekshmërinë nga java e kalendarit 13. Ndërsa rajonet kryesore si: Espace Mittelland, Cyrihu dhe Zvicra Lindore (në një masë më të vogël) këtë e kanë ndjerë në javën 14. Zvicra Qendrore ka mbetur prapa, në javën 16 (nga 13 prilli).
Tek moshat nën 65 vjeçare nuk është konstatuar pothuajse fare dukuria e “mbivdekshmüerisë”.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
SNB, 58.8 miliardë fitim neto në tremujorin e parë Duket se pas deficitit prej 3.2 miliardë lekësh të regjistruar vitin e kaluar, Banka Kombëtare e...
-
Migros do të sjell hamburgerë të rinj, zviceranët skepitkë
-
Rreth 150 mëlçi transplantohen në të gjithë Zvicrën çdo vit
-
Dështon nisma që donte të ndryshonte Kushtetutën
-
Rritet numri i kopshteve dygjuhëshe në Zvicër