Kufiri në mes Sllovenisë dhe Kroacisë mund të hapet në fund të majit

Nëse nuk ka rritje të sërishme të numrit të personave të infektuar me koronavirus, kufiri midis Sllovenisë dhe Kroacisë mund të rihapet përsëri në fund të muajit maj, transmeton korrespondentja e MIA-s nga Lubjana.

Për këtë temë diskutuan ministri slloven i Ekonomisë, Zdravko Poçivallshek dhe ministri kroat i Turizmit, Gari Capelli në Zagreb, pas çka të dy ranë dakord se duhet të gjendet mënyrë për të hapur kufirin përpara fillimit të sezonit veror turistik.

Poçivallshek i kërkoi Qeverisë kroate të lejojë të kalojnë kufirin qytetarët sllovenë që kanë shtëpi dhe vilë në Kroaci.

Rreth 110.000 pasuri të patundshme në Kroaci, janë në pronësi të sllovenëve, dhe për shkak të pandemisë dhe kufijve të mbyllur, ata për gati dy muaj nuk kanë mundur të shohin gjendjen e pronës së tyre.

PROMOTED CONTENTMgid

---