Maqedoni e Veriut: Arrin në 104 numri i viktimave nga Covid-19

Keystone EPA/GEORGI LICOVSKI

Ministria e Shëndetësisë në Maqedoninë e Veriut ka raportuar edhe për tri vdekje  të reja të shkaktuara nga pandemia e koronavirusit.

Viktimat janë një grua e moshës 62-vjeçare nga Kumanova, një burrë nga Struga i moshës 59-vjeçare dhe të një tjetri të moshës 51-vjeçare nga Shkupi.

Të gjithë ata kanë ndërruar jetë në Klinikën Infektive në Shkup.

Me këto të dhëna, numri i përgjithshëm i viktimave nga koronavirusi në Maqedoninë e Veriut arrin në 104.

Ministria e Shëndetësisë njoftoi edhe për 25 raste të reja të të infektuarve, që u identifikuan gjatë 24 orëve të fundit.

Prej tyre, më së shumti u regjistruan në Shkup – gjithsej 16 raste.

Numri i të shëruarve gjatë 24 orëve të fundit është tetë – shifër kjo më e ulët në krahasim me ditët e kaluara.

Që nga fillimi i pandemisë me Covid-19, sëmundjen që e shkakton koronavirusi, në Maqedoninë e Veriut janë regjistruar 1,817 persona të infektuar; prej tyre 1,301 janë shëruar, 104 kanë vdekur, ndërsa 412 raste janë ende aktiv, përcjell Albinfo.ch