Koronavirusi: çast pas çasti
Frymëzimi në kohën e karantinës
Chip Deva gjatë kësaj kohe lanson këngën „Mosprania jote“, një këngë melankolike e frymëzuar padyshim nga karantina
Kriza që ka kapluar botën me rastin e pandemisë COVID 19, duket se do të ketë pasoja afatgjata. Në veçanti ekonomisë së shumë vendeve, do t`i duhen vite për të marrë veten.
Gjatë kësaj kohe, u krijuan situata nga më të ndryshmet. Pos mbylljes së përkohshme të shumë veprimtarive, edhe vetë karantinimi ishte njëra ndër këto dukuri. Po ashtu krijoheshin edhe situata komike, ku anëtarët e familjes, përmes statuseve të tyre në rrjetet sociale, „zbulonin“ se sat të mirë ishin pjesëtarët e tjerë të familjes.
Dikush edhe zbulonte ndonjë hobi të ri ndërkohë. Por në përgjithësi, izolimin për javë të tëra në shtëpi apo banesa, nuk e preferonin të gjithë.
Chip Deva, artistja nga Cyrihu, e lodhur nga vetizolimi në banesën e saj, duket se pa një mundësi që gjithë këtë situatë jo të mirë, ta kthejë në diçka shumë pozitive, ta shndërrojë në atë që di më së miri, të krijojë diçka të re nga muzika.
Ajo gjatë kësaj kohe lanson këngën „Mosprania jote“, një këngë melankolike e frymëzuar padyshim nga karantina. Ishte ky një projekt i veçantë e me një stil paksa sfidues për Chip Deva-n, ku për herë të parë provon një këngë në të cilën ngërthehet edhe Rap-i poetik. E veçanta tjetër e kësaj kënge është po ashtu videoklipi i saj, xhirimet e të cilit janë bërë ekskluzivisht në banesën e artistes, përderisa montazhin e ka bërë së bashku me vëllain e saj, Naimin, përmes komunikimeve online.
Ndërsa javën e kaluar, Chip Deva, befasoi me nxjerrjen në dritë të projektit të saj të ri muzikor. Po ashtu e punuar gjatë karantinimit, por kësaj radhe duke sjellë një këngë më ritmike, që të bën të ndihesh mirë.
„Why is my glass always empty” (Pse gota është gjithmonë zbrazur)“, një këngë që është pritur shumë mirë nga publiku. Aty protagonisti shpreh në mënyrën e vet një lloj pakënaqësie qe e ndjen, por në të njëjtën kohë ka filluar ta pranojë atë duke bërë kështu paqe me të (me pakënaqësinë). Edhe punimi i videoklipit është bërë në formën e njëjtë e me ekipin e njëjtë. Ndërkaq vlen të theksohet se tekstet për të dyja këngët janë në autorësi të këngëtares.
Duke mos e lënë me kaq, Chip Deva duket se kohën e karantinimit e ka shfrytëzuar më së miri. Së shpejti pritet të publikohen edhe disa krijime të saj në gjuhën shqipe. Njëri ndër ta do te jetë prapë me rap artistin e njohur nga Kosova, “Taste 2”, me të cilin para një viti kishin lansuar „Andrrat“, një këngë shumë e suksesshme.
Të ngjashme
Të tjera nga Koronavirusi: çast pas çasti
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla