Spanja shënon rënie të viktimave nga Covid-19

Keystone

Shteti spanjoll ka shënuar numrin më të ulët të viktimave nga koronavirusi që nga 16 marsi i këtij viti.
Ministria e Shëndetësisë ka njoftuar se të enjten janë shënuar 48 raste të vdekjeve nga koronavirusi.

Kjo është hera e parë, që nga shpërthimi i pandemisë më 16 mars, që ky vend raporton numër kaq të ulët të vdekjeve nga COVID-19, sëmundja që shkaktohet nga koronavirusi.

Shifrat kishin arritur kulmin më 2 prill, kur u raportuan 950 të vdekur brenda periudhës 24 orëshe.
Të enjten numri i rasteve të reja të infektuarve me koronavirus u raportua të jetë 482.
Deri më tani në Spanjë janë të regjistruar gjithsej 233.037 raste të infektuarve dhe 27,940 vdekje, përcjell Albinfo.ch