Epiqendra e re e koronavirusit në botë

Vetëm 24 orët e fundit, 1.200 jetë të humbura.

Brazili bëhet vendi i 6 në botë me numrin më të lartë të viktimave me 20 mijë vdekje nga COVID 19, përcjellë albinfo.ch.

Një shifër rekord prej 1,200 jetësh të humbura u shënua në 24 orët e fundit, raportojnë mediat atje.

Ekspertët paralajmërojnë se piku i krizës shëndetësore ështe edhe disa javë larg.

Mungesa e testeve sugjeron se të dhënat zyrtare nuk e tregojnë panoramën e vërtetë. Edhe Meksika raportoi numrin më të lartë të rasteve me koronavirus që prej shpërthimit të pandemisë.

Me 3 mijë infektimet e reja në 24 orët e fundit, të prekurit shkojnë në gati 60 mijë. Përhapja e shpejtë e virusit edhe në shtetet të tjera të Amerikës Latine, si Kili dhe Peruja po shton frikën se rajoni tashmë është kthyer në epiqendrën e re të pandemisë.

---