Ambasada në Otava vazhdon tutje përkushtimin dhe angazhimin e saj për t’u dalë në ndihmë të gjitha rasteve e kërkesave të bashkatdhetarëve-qytetarëve të Kosovës, të cilët për arsye të rrethanave të krijuara nga pandemia (Covind-19) kanë mbetur në Kanada.

Për momentin ju njoftojmë se po angazhohemi në projektin e radhës, që në ditët në vazhdim të realizojmë ( aq sa na janë krijuar mundësi tani për tani) për kthimin edhe të 10 personave të tjerë për në Kosovë nëpërmjet linjes Kanada-Zurich-Prishtinë.

Ju bëjmë me dije se kompanitë e përfshira në këtë proces, si fasilitatore dhe ekzekutuese të këtij/ketyre fluturimeve, do të vazhdojnë të ju telefonojnë për detajet, itineraret dhe mundësit e linjave për procedimit të biletave e detajeve tjera relevante. Ju bëjmë me dije se çështja e pronotimit të biletave do të vazhdojë të realizohet në bashkëpunim mes pasagjerit dhe kompanisë që ju telefonon, por edhe mundësive tjera që juve do mund t’i krijoni personalisht apo edhe në bashkëpunim me agjencitë/kompanitë operuese.
Sikurse është vepruar me të gjitha rastet e deritanishme, çështja e pagesës së biletave mbulohet nga vetë pasagjerët dhe Ambasada nuk ka mundësi as të ndërhyjë në çmim e as të realizojë, të marrë përsipër pagesa eventuale.

Duke kërkuar durimin dhe mirëkuptimin tuaj, Ju njoftojmë se përkushtimi ynë për t’i adresuar shqetësimet dhe parasegjthash për tu dalur në ndihmë të gjitha kërkesave të pranuar, do të vazhdojë tutje-në ditët e javët në vazhdim.

Një falënderim shkon edhe për institucionet e vendit pritës, respektivisht për Ministrinë e Jashtme Kanadeze, për bashkëpunimin e treguar përkitazi me situatën dhe mundesin për kthim të qytetarve të Kosovë në rethana të tilla, emergjente.

Ju falënderojmë edhe një herë për mirëkuptim, bashkëpunim dhe parasë gjithash durimin e treguar nga ana Juaj!

Me respekt,
Ambasada e Kosovës në Otava