Kosova
Mediat ndërkombëtare rreth vendimit të Gjykatës Kushtetuese
“The New York Times”, dhe së fundmi edhe “Reuters” kanë shkruar për vendimin e fundit nga Gjykata Kushtetuese,
Dy gazetat më presigjioze në botë, ajo “The New York Times” dhe, së fundmi edhe “Reuters”, kanë shkruar sot artikuj rreth vendimit të fundit nga Gjykata Kushtetuese, sipas së cilës një qeveri e re mund të formohet pa mbajtjen e zgjedhjeve të parakohshme, një vendim i kundërshtuar nga partia e kryeministrit në detyrë, e cila ka premtuar protesta në rrugë, përcjell albinfo.ch.
“The New York Times” ka shkruar se vendmi i Gjykatës Kushtetuse i ka dhënë të drejtë partisë së dytë ta formojë qeverinë, ndërkohë fitusi i zgjedhjeve, Albin Kurti, gjatë kësaj kohe ka mbështetur zgjedhje të parakohshme, pasi që partitë e tjera u mblodhën së bashku me ish-partnerin e tij të koalicionit LDK për të formuar një qeveri të re dhe për ta rrëzuar qeverinë Kurti.
Po ashtu, “The New York Times” shkruan se tani më Kosova mund të ketë tensione politike, pasi që partia e Kurtit ka shprehur pakënaqësi ndaj vendimit të gjykatës dhe se në kohë të afërt pritet të organizojë protesta, përcjell albinfo.ch.
Nga ana tjetër, edhe mediumi britanik “Reuters” ka shkruar se Qeveria e Albin Kurtit u rrëzua më 25 mars pas më pak se dy muaj në detyrë, pas mosmarrëveshjeve me partnerin e saj kryesor, Lidhjen Demokratike të Kosovës, për trajtimin e saj të pandemisë së koronavirusit dhe rreth heqjes së taksës ndaj produkteve serbe.
Po ashtu, “Reuters” ka cituar edhe vendimin e gjykatës, sipas së cilës partia më e madhe politike nuk ka ekskluzivitetin për të propozuar kandidatin e kryeministrit për të formuar qeverinë.
Gjithashtu në artikullin e këtij medium shkruan se Kurti është shprehur se ndryshimi i qeverisë është nxitur nga presidenti Hashim Thaçi dhe se ky i fundit ishte dakord për një shkëmbim territoresh me presidentin serb Aleksandar Vuçiq, sipas një plani që Serbia të njohë Kosovën, e cila do të ndihmonte Beogradin të bashkohej me Bashkimin Evropian. /Albinfo.ch
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse