Albin Kurti bëri këtë deklaratë në ditën e fundit si kryeministër

Deklarohet Kurti

Edhe pse sot mund të jetë dita e fundit e tij si kryeministër, Albin Kurti thotë se po ndjehet shumë mirë.

Në një prononcim të fundit për Klan Kosovën, teksa po dilte nga banesa e tij, Kurti tha se po shkon në mbledhjen e qeverisë, ku do të merren disa vendime të rëndësishme.

“Shumë mirë. Në orën 10:00 kemi një mbledhje të qeverisë, ku do të marrim disa vendime të rëndësishme. Vendimi i parë që do ta nënshkruaj tash menjëherë është ai për ndihmën nga 30,000 euro dy familjeve të minatorëve që humbën jetën fatkeqësisht në minierën e Artanës”.

Po ashtu, Kurti nuk ka treguar nëse pret që Kosova të ketë qeveri të re sot, ndërsa ka vazhduar drejt ndërtesës së Qeverisë për mbledhjen – që mund të jetë e fundit – e drejtuar nga ai, përcjell albinfo.ch.

---