Lajme
Gjermanët tashmë mund të udhëtojnë, por vetëm brenda BE-së
Qeveria gjermane ka vendosur të pezullojë ndalimin e udhëtimeve në 31 vende evropiane prej datës 15 qershor – në 26 vendet partnere të Bashkimit Evropian, Britani të Madhe dhe në vendet e Shengenit: Islandë, Norvegji, Zvicër dhe Lihtenshtajn. Por, në më shumë se 160 vende jashtë BE-së dhe Shengenit edhe më tej ndalohet udhëtimi, deri në fund të gushtit.
Në dokumentin e miratuar nga kabineti qeveritar lejohen edhe përjashtime, varësisht nga zhvillimet dhe gjendja. Ministri i Jashtëm Heiko Maas kumtoi se për dallim prej vendeve evropiane, në vendet e tjera jashtë Evropës nuk ka të dhëna të qëndrueshme për gjendjen, kriteret dhe proceset e marrjes së vendimeve gjatë udhëtimeve, që do të mundësonte kthimin pa probleme të udhëtarëve që eventualisht shkojnë në këto vende”. Maas pohon: “Ne nuk mund dhe nuk duam të rrezikojmë që gjermanët të kthejnë në vend virusin nga të gjitha bregdetet e botës”.
Qeveria me kërkesë të ministrit të Brendshëm, Horst Seehofer, ka vendosur që nga e hëna të pezullojë kontrollet kufitare në shumicën dërmuese të vendeve evropiane.
Kaosi i sektorit të udhëtimeve
Qeveria federale do ta ketë shumë vështirë tani: Çdo pezullim i masave të udhëtimeve me ndonjë vend jashtë BE mund të zemërojë vendet e tjera. Por aksionet e kthimit të rreth 240.000 udhëtarëve, si në fillim të pandemisë, nuk mund të përsëriten në asnjë mënyrë. Brenda BE-së nuk ka pasur pothuajse asnjë problem me kthimin e turistëve. Në Marok, Afrikën e Jugut apo në Zelandën e Re ka pasur probleme të mëdha.
Agjensitë turistike janë në një gjendje tepër të rëndë, sepse nuk mund të bëjnë kurfarë planesh, siç kanë menduar para këtij vendimi. Zëdhënësi i liberalëve për turizëm, Marcel Klinge, ka kritikuar vazhdimin e masave të ndalimit të udhëtimit në shumë vende, sepse kjo është një “goditje për vdekje e ekonomisë së turizmit”, shkruan DW, përcjell albinfo.ch.
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut