Koronavirusi: çast pas çasti

Italia, Gjermania, Franca e Holanda nënshkruajnë kontratë për vaksinën kundër Covid-19

E shtunë, 13 Qershor 2020 - 18:54 albinfo.ch

Italia, Gjermania, Franca dhe Holanda kanë nënshkruar kontratë me “Astrazenecan” për të furnizuar evropianët me vaksinë kundër koronavirusit, ka bërë të ditur ministri italian i Shëndetësisë.

Kontrata vlen për 400 milionë doza të vaksinës, e cila u zhvillua nga Universiteti i Oksfordit dhe që ka avancuar në fazën e eksperimentimit e pritet të përfundojë në vjeshtë, ka thënë Roberto Speranza.

Ai ka shtuar se kontingjenti i parë i vaksinës mund të jetë në dispozicion kah fundi i vitit.

Komisioni Evropian ka marrë mandat nga qeveritë e Bashkimit Evropian të premten për të negociuar blerjen e vaksinave premtuese kundër koronavirusit, përcjell Albinfo.ch.

 Të ngjashme

Valdrin Gashi, një kosovar në skenat italiane të operës

 Të tjera nga Koronavirusi: çast pas çasti

OBSH: Vdekjet nga Covid-19, tri herë më shumë se sa raportohen

 E-Diaspora

 Jeta në Zvicër