Punëtorët e infektuar në thertoren gjermane ikën për në Ballkan

Keystone

Një numër i madh i njerëzve të infektuar nga therrtorja gjermane “Tonis”, ku më shumë se 1.000 njerëz janë të infektuar me koronavirus, janë larguar për në Ballkan, pretendojnë mediat gjermane.

Qarku Gstersterloh ka informacione që punonjës nga Rumania dhe Bullgaria janë larguar, pak para vendimit të karantinës për të gjithë punëtorët në fabrikat në Wiedenbruck, përcjell albinfo.ch.

“Ne kemi parë lëvizje të shtuar,” thanë zyrtarët e rrethit, duke shtuar se nuk kishte kohë të mjaftueshme për ta parandaluar këtë.

Autoritetet lokale urdhëruan të premten karantinën.

«Tonis» në Reda Wiedenbruck, thertore më e madhja në Gjermani, punëson rreth 6.500 njerëz, gjysma e të cilëve vijnë nga kompani që ndërmjetësojnë punësim.

Sipas kompanisë, njerëz nga 87 vende punojnë në Tonis, por grupi më i madh janë rumunët dhe polakët, dhe një e treta e punëtorëve të huaj jetojnë në Gjermani.

Kreu i Shtabit të Krizave të rrethit, Thomas Kulbush, informoi ambasadat e vendeve të origjinës së punëtorëve të Tonis.

Më parë, gazeta Bild raportoi se punëtorë nga Rumania dhe Bullgaria ishin larguar dhe se rruga e tyre kalonte nëpër Austri dhe Ballkan për në vendet e tyre të lindjes.