“Do të ndalohen ritet fetare dhe grumbullimi i njerëzve në Kosovë”

Keystone EPA/VALDRIN XHEMAJ

Kryeministri i Kosovës Avdullah Hoti ka thënë se në mbledhjen e Qeverisë do të vendosen edhe për masa shtesë të propozuara nga IKSHPK dhe Ministria e Financave. Sipas tij masat shtesë që do të ndërmerren do të jenë rigoroze.

“Menjëherë sot do të votojmë një listë të gjatë shtesë të propozuar nga IKSHPK dhe Ministria e Shëndetësisë. Ministria e Financave ka dhënë 9.2 milionë euro. Masat shtesë që do të propozohen sot në mbledhjen elektronike të Qeverisë do të jenë më shumë me rigoroze. Maska distance higjiena, me vetëm këto tri masa shpëtojmë jetën e njerëzve. Do të obligojmë të gjitha institucionet që të vejnë dezinfektues, detyrohemi të ndalojmë ritet fetare dhe grumbullimin e njerëzve. Kjo është qasja jonë që jemi dakorduar në dy ditët e fundit.”, ka thënë ai, përcjell albinfo.ch.

Ai ka thënë se do të ketë zero tolerancë për ata që nuk i respektojnë masat.

“Nuk do të ketë asnjë lloj tolerance ndaj askujt që nuk I respekton vendimet e Qeverisë.”

Hoti ka shtuar se është lënë e hapur mundësia edhe për shpalljen e gjendjes së jashtëzakonshme nëse vazhdojnë të mos respektohen masat dhe të ketë rritje të numrit të rasteve pozitive me COVID-19.

“Pra, kemi të bëjmë me skenarin e parë me masat rigoroze dhe shqiptimin e gjobave që nuk respektohen këto masa, duke lënë mundësinë që të ndjekim procedurat kushtetuese për shpalljen e gjendjes së jashtëzakonshme”, ka thënë ai.