Maqedoni e Veriut: Gjashtë viktima dhe 136 raste të reja me COVID-19

(AP Photo/Jessica Hill)

Ministria e Shëndetësisë në Maqedoninë e Veriut ka njoftuar se në 24 orët e fundit kanë humbur jetën gjashtë pacient të infektuar me COVID-19. Ndërsa janë regjistruar 136 raste të reja nga 991 testime të kryera.

Rastet pozitive janë nga: Shkup-46 raste, Kumanovë-6, Dibër-7, Shtip-14, Prilep-1, Tetovë-12, Strugë-9, Veles-1, Ohër-2, Gostivar-13, Strumicë-2, Radovish-3, Krushev-2, Koçan-1, Probishtip-1, Demir Hisar-2, Kratovë-1, Sveti Nikollë-5, Kërçovë-4, Resnje-4.

Instituti për Shëndetit Publik në Maqedoninë e Veriut sot regjistroi edhe 123 persona të shëruar nga coronavirusi.

Numri i përgjithshëm i të diagnostikuar me coronavirus në këtë shtet që nga fillimi i epidemisë ka arritur në 8.111, përcjell albinfo.ch.