Kosovë: Vdes edhe një person nga COVID-19

Ka ndërruar jetë edhe një person nga Prekazi i Skenderajt, si pasojë e infektimit me COVID-19.

Lajmin e ka bërë të ditur kryetari i Degës së PDK-së në Skenderaj, Sami Lushtaku, përmes një njoftimi në Facebook, i cili u ka shprehur ngushëllime familjarëve të viktimës, shkruan albinfo.ch.

“Si pasojë e virusit Covid-19, paska ndërruar jetë Haki Rushiti nga Prekazi. Duke e njohur që nga rinia, Hakiu ishte burrë shumë i mirë e i dashur për të gjithë. Ishte aktivist i palodhshëm e punëtor shumëvjeçar i shkollës ‘Azem Bejta’ në Prekaz. Ngushëllimet më të thella për familjen Rushiti, por edhe për të gjitha familjet, të cilat kanë humbur më të dashurit e tyre si pasojë e pandemisë së shkaktuar nga virusi Korona”, ka shkruar ai.

Sot në Kosovë janë regjistruar edhe dy raste të vdekjes, duke çuar në 115 numrin e viktimave nga koronavirusi.

Ndërsa janë konfirmuar 119 raste të reja, duke çuar kështu në 5 mijë e 237 numrin e personave të infektuar me COVID-19.