Vendet më të prekura me koronavirus

(AP Photo/Luca Bruno)

Virusi Covid-19 është duke u përhapur me shpejtësi në mbarë botën, me më shumë se 13 milionë raste të konfirmuara në 188 shtete. Rreth 600,000 kanë humbur jeton për shkak të këtij virusi.

Virusi është vërejtur së pari në qytetin e Wuhanit në Kinë, në fund të vitit 2019. Më pas u përhap me shpejtësi në gjithë botën, duke arritur 12 milionë raste të konfirmuara në fillim të korrikut, raporton BBC.

Drejtori i Organizatës Botërore të Shëndetësisë (WHO), Tedros Adhanom Ghebreyesus, ka paralajmëruar që në shumicën e botës situata nuk është në kontroll, por po shkon duke u përkeqësuar.

Ammerika Latine është bërë epiqendra e virusit. Brazili ka përjetuar goditjen më të rëndë deri më tash, me më shumë se 74,000 të vdekur. Kolumbia ka përjetuar pothuajse 6,000 vdekje, prandaj e ka zgjatur izolimin në tendencë për të zvogëluar numrin.

Në Azi, India po i afrohet një million rasteve, me 25-30,000 raste të reja secilën ditë gjatë javëve të kaluara.

Afrika Jugore dhe Egjipti kanë parë rritjet më të mëdha në Afrikë. Por në këto vende janë duke u bërë shumë pak teste, ndaj edhe është e vështirë të thuhet me saktësi se sa është përhapur virusi.