Vdesin dy vëllezërit në Repë të Podujevës, u qëlluan me armë

Një incident me armë zjarri ka ndodhur sot rreth orës 13:00 në fshatin Repë të Podujevës, ku si pasojë një person ka humbur jetën, ndërsa një tjetër ka mbetur i plagosur.

Personi i plagosur është dërguar me urgjencë në QKUK.

Mirëpo, policia njofton se edhe personi i dytë ka ndërruar jetë, pasi nuk ka mundur t’u bëjë ballë plagëve të marra.

“I plagosuri në fshatin Repë, i cili ishte sjellë në QKUK, nuk ka arritur t’u mbijetojë plagëve të marra dhe ka ndërruar jetë, ai është 41-vjeçar”, ka thënë Bajram Krasniqi nga Policia e Kosovës, përcjell albinfo.ch.

Të dy viktimat janë vëllezër, teksa dyshohet se u vranë nga fqinji i tyre 65-vjeçar për çështje pronësie.

Policia e Kosovës është duke i bërë hetimet lidhur me rastin. Ndërsa dorasi ende gjendet në arrati.