Lajme
Kardiologu Fahri Beqa: Pandemia në Kosovë është jashtë kontrollit
Kardiologu shqiptar, Fahri Beqa, i cili jeton dhe vepron në Gjermani, po e vëzhgon me vëmendje situatën në Kosovë.
Ai thotë se shkak i numrit të lartë të rasteve (marrë parasysh numrin e banorëve) është mosrespektimi i masave nga qytetarët si dhe menaxhimi jo i duhur i institucioneve.
“Ka shumë faktorë që kanë ndikuar në këtë rritje të numrit. Faktorët janë në të dy anët, si nga ana e popullatës, si nga ana e institucioneve, të cilat si duket nuk janë duke arritur ta menaxhojnë si duhet situatën në aspektin e zvogëlimit të rasteve të reja dhe po ashtu menaxhimin e rasteve që tashmë janë me koronavirus dhe janë duke e zhvilluar sëmundjen për shkak se kohëve të fundit është rritur edhe numri i të vdekurve”, tha Beqa për RTV21, përcjell albinfo.ch.
Ai ka thënë se situata me pandeminë Covid-19 ka dalë jashtë kontrollit.
“Tash jemi në një situatë kur numri i rasteve është rritur, numri i vdekjeve është rritur, ndërkohë kapaciteti i klinikave nuk është ai që duhet të jetë dhe kemi një menaxhim, i cili është totalisht joadekuat dhe, më falni, ndoshta nuk dëshiroj të bëj panik, por ndoshta është totalisht jashtë kontrollit”, theksoi Beqa.
Kardiologu Beqa vlerëson se më e keqja që mund të ndodhë në Kosovë është infektimi i personelit mjekësor.
“Nga personeli shëndetësor pastaj përhapet direkt tek grupet e rrezikuara për shkak se janë pacientët ata të cilët kërkojnë ndihmë në urgjenca të klinikave dhe janë pacientët kronikë që kanë nevojë për personelin shëndetësor dhe nëse personeli shëndetësor janë bartës të sëmundjes edhe ata të cilët nuk kanë simptoma e bartin sëmundjen direkt tek të sëmurët kronikë dhe pastaj vjen deri te zhvillimi i sëmundjes. Kolegët janë ata që më së paku kanë faj në këtë situatë pasi po e kryejnë punën e tyre profesionale brenda mundësive që u ofrohen”, theksoi ai.
Sipas të dhënave të Institutit Kombëtar të Shëndetësisë Publike, deri më tani janë 6917 të infektuar me Covid-19, prej tyre 3753 të shëruar.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse