Pija që pastron mushkëritë më shpejt se çdo gjë tjetër

Lloli Clement

Të gjithë janë të njohur me rreziqet që vijnë nga pirja e duhanit, e sërisht vazhdojnë të tymosin, duke pretenduar se ajo cigare i qetëson.

Nëse prej disa vjetësh me radhë jeni duhanpirës, dëmi që u keni bërë rrugëve respiratore është shumë i madh, por jo i pakthyeshëm. Katrani që ka mbuluar cipën e mushkërive mund të shkaktojë dhimbje gjoksi, koll, bronkit e deri në qeliza kancerogjene.

Pasi të keni hequr dorë nga cigarja, apo ta keni rralluar këtë të fundit, ju duhet të përshpejtoni procesin e pastrimit të mushkërive, duke pirë pijen magjike që Living do të japë më poshtë.

Për këtë recetë, do t’ju duhet:

1 kilogram qepë

1 rrënjë e vogël xhinxheri

1 litër ujë

400 gram mjaltë

Në një litër ujë, shtoni mjaltin dhe vendoseni në zjarr. Kur uji të fillojë të vlojë, shtoni qepën dhe rrënjën e xhinxherit. (Qepa dhe xhinxheri duhet të jenë të prerë). Shtoni shafranin e Indisë kur përzierja të vlojë sërisht.

Ulni zjarrin dhe lëreni përzierjen derisa të përgjysmohet. Hiqeni nga zjarri dhe pasi të jetë ftohur, hidheni në një kavanoz. Kjo pije duhet ruajtur në frigorifer dhe duhet konsumuar nga një lugë në mëngjes esëll dhe në darkë përpara se të hani.