Kosova
Zbuloje Gjeravicën me Arineta Mulën!
Maja e Gjeravicës, në lartësi 2,658m. Ishte kjo ngjitje kur fillova ta dua edhe më shumë Kosovën. Për nga lartësia, Gjeravica është e dyta në Bjeshkët e Nemuna, emër që tërheq vëmendjen e në të vërtetë është shtëpi e bekuar për të gjithë.
Ka disa mënyra se si të ngjitemi në Malin e Gjeravicës. Secila prej tyre prezanton pjesë të natyrës. Një prej tyre është pikënisja nga Gropa e Erenikut, rrugë e cila arrihet në më pak se një orë përmes Junikut, me veturë alpine.
Terren me vështirësi mesatare. Shteg shumë i përshtatshëm, ku çdo hap që vendos duket i lehtë dhe pamja e maleve te gjelbëruara përreth të frymëzon të mos ndalesh, sepse pa ndonjë mund të madh shumë shpejt do ta gjesh veten mbi to.
Mali dhe liqeni mund të qëndrojnë pa njëri-tjetrin, por nëse janë afër, krijojnë mrekullinë. Freskinë e ecjes drejt malit e shton Liqeni i vendosur nën Majën e Gjeravicës në lartësinë 2,200 metra, ku është burimi i Lumit të Erenikut që rrjedh poshtë në Rrafshin e Dukagjinit.
E pabesueshme të thuhet, por teksa je duke ecur në shtegun e fundit, këmbët mbi majë, aty ke arritur në pikën më të lartë të Kosovës!
Rreth katër orë ecje. Përpos bukurive të Kosovës, në këtë lartësi sheh vargmalet e Shqipërisë dhe Malit të Zi. Kur koha është e mirë, përballë sheh Bjeshkët e Nemuna, formacionin e tyre të thepisur prej nga shihet edhe Mali Jezercë si më i larti në Alpet Shqiptare. Mes shteteve sheh kufijtë e krijuar nga male që përqafojnë njëri-tjetrin. Shtëpi për të gjithë.
Nëse dëshironi të përjetoni diçka si asnjëherë më parë, atëherë duhet të ngjiteni në Malin e Gjeravicës!
Foto: PPSE Kosova
Artikulli është publikuar në magazinës albinfo.ch, numrin special të verës 2020 (Qershor-Korrik)
Të tjera nga Kosova
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Rriten rastet e abuzimit psikologjik të fëmijëve në Zvicër Numri i rasteve të abuzimit me fëmijët e regjistruar në klinikat pediatrike zvicerane u rrit në...
-
Zvicër: Priten qira akoma më të shtrenjta gjatë vitit të ardhshëm
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit