Koronavirusi: çast pas çasti
Europa dhe vala e dytë e koronavirusit
Franca shpall 12 zona të kuqe, Italia me shifra në rritje.
Franca ndodhet në situatë kritike, me 9,406 raste të reja në 24 orët e fundit, duke e çuar totalin e të infektuarve me Covid-19 në 363 mijë. Deri tani 30,893 persona nuk e kanë fituar betejën me virusin. Gjithsesi, Kryeministri Jean Castex deklaroi se nuk do të ketë kthim të karantinës, por klasifikoi si zona të kuqe 12 qytete, përfshirë Parisin, që do të thotë se autoritetet lokale mund të marrin kompetenca shtesë për të vendosur kufizime nëse e gjykojnë të nevojshme.
Edhe pse ritmet e përhapjes aktualisht nuk janë të shpejta, Covid-19 duket se po rikthehet në problem në Itali. Në 24 orë vendi fqinj regjistroi 1,616 raste të reja, me një total prej 284,796 të infektuarish.
Zvicra regjistroi 528 raste të reja të premten, numri më i lartë i regjistruar në 24 orë që prej fillimit të prillit. 1,630 persona kanë rezultuar pozitivë dhe 5 të tjerë kanë humbur jetën si pasojë e koronavirusit në 24 orët e fundit në Gjermani. Pas shtrëngimit të masave anti-Covid, përfshirë përdorimin e detyrueshëm të maskës, gjatë javës që po lëmë pas Republika Çeke raportoi 1,382 raste të reja me Covid-19, në 24 orët e fundit. Shifra të tilla nuk ishin regjistruar deri tani në vendin e Europës Qendrore. Edhe pse India është kthyer në një vatër të nxehtë me 4.5 milionë të prekur dhe mbi 76 mijë të vdekur.
Shtetet e Bashkuara të Amerikës vijojnë të mbeten vendi me situatën më të vështirë. Thuajse 6.5 milionë njerëz rezultojnë të infektuar, ndërsa ai i vdekjeve ka rritur në 192,663. Drejtori i Institutit të Sëmundjeve Infektive thotë se kjo situatë mund të vazhdojë edhe përgjatë 2021, duke parë si zgjidhje vetëm vaksinën anti-Covid. Më shumë se 906 mijë njerëz kanë humbur jetën si pasojë e koronavirusit në gjithë botën, teksa numri i të infektuarve i ka kaluar 28 milionë.
Të ngjashme
Të tjera nga Koronavirusi: çast pas çasti
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut