Lajme

Rekord i rasteve ditore të infektuarish në Kroaci dhe Slloveni

E mërkurë, 14 Tetor 2020 - 15:05 albinfo.ch
(KEYSTONE/Jean-Christophe Bott)

Në Kroaci janë regjistruar 748 raste të reja me COVID-19 brenda 24 orëve, e kjo është shifra më e lartë që nga fillimi i pandemisë.

Prej fillimit të pandemisë, Kroacia deri më tani i ka regjistruar gjithsej 21.741 raste të infektimeve dhe 334 viktima.

Tash për tash janë 3.210 raste aktive ose rreth 1.000 më shumë se javën e kaluar.

Vendosja e maskës është e detyrueshme në hapësirat publike të mbyllura, baret dhe restorantet duhet të mbyllen në mesnatë dhe numrin e mysafirëve e kanë të kufizuar.

Personat që duan të organizojnë tubime me mbi 50 persona duhet të kërkojnë leje për një gjë të tillë së paku pesë ditë para ngjarjes.

Edhe Sllovenia gjithashtu shënoi rekord të rasteve ditore me COVID-19, me 707 të infektuar për 24 orë, shkruan “The Guardian”, përcjell albinfo.ch.

 Të ngjashme

Sa ka ndikuar pandemia në lindjet në Zvicër

 Të tjera nga Lajme

Dorëzohen mbi 150 nënshkrime për Kuvend të jashtëzakonshëm në LDK, synohet shkarkimi i Abdixhikut

 E-Diaspora

 Jeta në Zvicër