Italia, rekord ditor i të infektuarve me COVID-19

Keystone EPA/VALDRIN XHEMAJ ATTENTION: This Image is part of a PHOTO SET *** Local Caption *** 56006973

Italia ka regjistruar 16.079 raste të reja me koronavirus në 24 orët e fundit, ka njoftuar Ministria e Shëndetësisë, që është shifra më e lartë që nga fillimi i pandemisë, raporton Reuters.

Shifra e ka kaluar rekordin që u vendos të mërkurën, kur u regjistruan 15.199 raste të reja me koronavirus.

Po ashtu Ministria e Shëndetësisë e Italisë ka njoftuar se janë regjistruar 136 të vdekur si pasojë e COVID-19 në 24 orët e fundit, që është rritje për dallim nga 127 sa vdiqën një ditë më parë. Mirëpo shifrat janë dukshëm më të ulëta sesa kur ishte kulmi i pandemisë në Itali në mars e prill, kur ishin regjistruar më tepër se 900 të vdekur në ditë.

Në total Italia ka regjistruar 36.968 raste me fatalitet si pasojë e COVID-19, si dhe 465.729 të infektuar.