Forca policore të Eulex-it rrethojnë shtëpinë e ish-zëdhënësit të UÇK-së, Jakup Krasniqi

Gjykata Speciale konfirmon operacionet në Prishtinë, Policia e Kosovës dhe EULEX-i në shtëpinë e Jakup Krasniqit

Mëngjesin e sotëm, rreth orës 06:00, forca të shumta policore nga njësia e EULEX-it kanë shkuar në shtëpinë e Jakup Krasniqit në Prishtinë, përcjell albinfo.ch.

Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX).

Në njoftim thuhet se informacione më të detajuara do të jepen më vonë.

Ndryshe, forcat e shumta policore nga njësia e EULEX-it në mëngjesin e sotëm, rreth orës 06:00, kanë shkuar në shtëpinë e Jakup Krasniqit në Prishtinë.

Jakup Kraniqi është një nga figurat kryesore të Ushtrisë Çlirimtare të Kosovës (UÇK), ku mbajti poste të larta gjatë luftës si zëdhënës i UÇK-së.

Poste të larta Krasniqi kishte edhe pas luftës si kryetar i Kuvendit të Kosovës, ministër dhe të tjera. Ai ishte ministër i Ministrisë së Shërbimeve Publike në Qeverinë e Kosovës, e më pas mori postin e të parit të Kuvendit të Kosovës.

Aktualisht Krasniqi është kryetar i Këshillit Kombëtar të Nisma Socialdemokrate.

 

---