Sot i vdiq gruaja nga Covid-19, dhe shkoi për të votuar

Është bërë e ditur se një qytetar i Podujevës, që kishte dalë për të votuar, ka treguar një detaj interesant, duke thënë se sot i ka vdekur bashkëshortja nga COVID-19, por kjo nuk e ka penguar atë që të dalë e të kryejë obligimin qytetar, përcjell albinfo.ch.

Sylejman Bllaca nga Podujeva thotë se gruaja e tij, e cila ishte infektuar nga COVID-19, sot në orën 09:00 ka vdekur në QKUK në Prishtinë, ku ishte e shtrirë.

“Unë e kam ndier obligim që të vij ta kryej obligimin qytetar… I vdekuri me të vdekurin, i gjalli më të gjallin”, ka thënë ai, derisa po qëndronte në qendrën e votimit.

Ai thotë se pas vdekjes së gruas, nuk ka shkuar në shtëpi, por i është drejtuar qendrës së votimit.

“Gruaja ka mbetur në morg. Unë ende nuk kam shkuar në shtëpi, por kam ardhur këtu të votoj”, tha ai.

Video:

https://www.facebook.com/watch/?ref=external&v=1019411365193337