Tematike
Kosovarët janë të huajt më të “refuzuar” nga zviceranët që banojnë në periferi
Të anketuarit kishin tendencë të tregonin një refuzim më të madh për të huajt nga vendet jashtë BE-së, si Kosova, Bosnja, Turqia ose Gana sesa për ata nga vendet fqinje ose vendet e tjera të BE-së
Banorët e aglomeracioneve (zona banimi mes qyteteve dhe fshatrave) e perceptojnë migrimin në një mënyrë më të nuancuar sesa e tregojnë debatet politike. Ky është përfundimi në të cilin ka arritur një studim i porositur nga Komisioni Federal i Migracionit (EKM), i publikuar më 18 dhjetor, Ditën Botërore të Migrantëve.
Intervista të shumta, të realizuara në tetë komuna aglomeracioni në Zvicër kanë sjellë një pamje të ekuilibruar, të padiferencuar mbi temën e imigracionit, ka njoftuar Komisioni Federal i Migracionit (EKM) sot, në ditën ndërkombëtare të migracionit, 18 dhjetor.
Prandaj, në studimin e porositur nga qeveria federale, afërsisht i njëjti numër i njerëzve janë shprehur negativisht, në mënyrë neutrale ose pozitive për migracionin.
Banorët që e perceptojnë imigracionin negativisht sipas rregullit janë mesatarisht më të moshuar, transmeton albinfo.ch. Për këtë qëndrim, vendimtare janë gjatësia e pranisë në komunë dhe qëndrimi politik.
Në veçanti, njerëzit me kohë më të gjatë në vendbanim, vendës dhe të djathtë politikisht tregojnë prirje “të jenë më kritikë” ndaj imigracionit të të huajve, shkruan EKM. Në të kundërtën njerëzit e rinj, mobilë, të majtë politikisht dhe gratë e perceptojnë imigracionin më shpesh si dukuri “normale”.
Studimi gjithashtu tregon se të anketuarit kishin tendencë të tregonin një refuzim më të madh për të huajt nga vendet jashtë BE-së, si Kosova, Bosnja, Turqia ose Gana sesa për ata nga vendet fqinje ose vendet e tjera të BE-së, përcjell albinfo.ch. Prandaj, në intervista, bashkëjetesa me njerëz nga “vendet më të afërta” është klasifikuar si më pak problematike.
Marrë në përgjithësi, megjithatë, studimi arrin në përfundimin se personat e pyetur nuk e lidhnin migracionin vetëm me “të huaj”. Përkundrazi, imigracioni perceptohet si pjesë e “rritjes së përgjithshme të popullsisë” dhe e “ndryshimit shoqëror”, thotë komunikata.
Për të realizuar studimin, autorët kanë vizituar tetë komuna gjatë verës së kaluar. Fjala është për komunat: Agno (TI), Belp (BE), Le Locle (NE), Losone (TI), Lutry (VD), Oftringen (AG), Rheinfelden (AG) dhe Rümlang (ZH).
Ata kanë zhvilluar biseda joformale, intervista të shkurtra dhe një “sondazh të gjallë” me të anketuarit, thuhet më tutje në njoftim, përcjell albinfo.ch. Numri i të intervistuarve është afërsisht 500.
Të ngjashme
Të tjera nga Tematike
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)