Padi kundër politikanëve kryesorë në Itali

Padia do të ngritet nga familjarët e viktimave nga Covid, për mostrajtim të duhur të pandemisë

Familjarët e viktimave të koronavirusit në Itali po ndërmarrin veprime ligjore kundër kryeministrit, ministrit të Shëndetësisë dhe presidentit të rajonit të Lombardisë për neglizhencë të dyshuar kriminale mbi trajtimin e tyre, shkruan “The Guardian”, përcjell albinfo.ch.

Grupi prej 500 familjeve do të paraqesë padinë e tyre civile të mërkurën me prokurorët në provincën e Lombardisë, e cila u godit keq gjatë valës së parë të pandemisë.

Ata pretendojnë se tre udhëheqësit – Giuseppe Conte, Roberto Speranza përkatësisht dhe Attilio Fontana – kanë kontribuar në pothuajse 70,000 vdekje të Italisë nga Covid-19.

Një element thelbësor i veprimit ligjor do të jetë mungesa e pretenduar e një plani kombëtar të pandemisë dhe dështimi nga autoritetet rajonale për të zbatuar një plan lokal që supozohej të ishte zhvilluar nga ai kombëtar. Consuelo Locati, avokati që drejton çështjen, po kërkon 259,000 € si kompensim për secilën nga 500 familjet që paraqesin padinë.

Lëvizja ligjore po drejtohet nga anëtarët e Noi Denunceremo (Ne do të raportojmë), një grup për të afërmit e pikëlluar që u bashkuan në prill. Komiteti i Noi Denunceremo deri më tani ka paraqitur 300 ankesa ligjore, të cilat detajojnë sesi vdiqën disa nga viktimat, te prokurorët në Bergamo, të cilët filluan një hetim për neglizhencën e pretenduar nga autoritetet në qershor, përcjell tutje albinfo.ch.

---