Lajme
Fotoja zyrtare e Këshillit Federal për vitin 2021, e punuar me “fotoshop”
A. Jegerlehner i bëri fotot e portreteve të anëtarëve të Këshillit Federal veç e veç dhe pastaj i mblodhi ato në një fotografi
Presidenti i ri Federal Guy Parmelin ka bërë zgjedhjen e subjektit dhe atë të autorit. Pra ai është përcaktuar për fotografin, Markus A. Jegerlehner, i cili i bëri fotot e portreteve të anëtarëve të Këshillit Federal veç e veç dhe pastaj i mblodhi ato në një fotografi.
E gjitha kjo, për të respektuar ruajtjen e distancës në kohë pandemi, shkruan albinfo.ch duke iu referuar komunikatës nga qeveria.
Me Bundeshaus-in e shikuar nga “perspektiva e zogut”, fotografi Markus A. Jegerlehner donte të “mundësonte një pamje të re të personave të mirënjohur”, thuhet në një njoftim mediatik.
Për të bërë regjistrimin me dron kërkohej një leje e veçantë dhe ajo është realizuar gjatë bllokimit të parë të pandemisë, në maj.
Këto fotografi janë “ngjitur” me fotoshop
Guy Parmelin, i cili është zgjedhur tashmë si “i pari në mes të të parëve” për vitin 2021, thotë: “Është e rëndësishme për mua që në këto kohë të vështira t`i shikojmë së bashku dhe në mënyrë të paanshme ato që duken të paluajtshme. Në këtë mënyrë ne po japim një kontribut konkret në kohezionin e vendit tonë”, citohet ai në komunikatën zyrtare me rastin e publikimit të fotografisë për vitin 2021.
Presidenti Federal e njeh personalisht autorin e fotografive, Jegerlehner. Ai kishte mbaruar një praktikë në fermën e familjes Parmelin para se të trajnohej për të qenë një fotograf, përcjell albinfo.ch.
Në fotografi, sikurse çdo vit, shihen 7 anëtarët e Këshillit Federal (Qeverisë) dhe kancelari federal i cili ka funksion administrativ.
Fotoja e Këshillit Federal është shtypur në 50.000 kopje dhe mund të porositet ose të shkarkohet në internet.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Çfarë do të votohet në Cyrih më 9 qershor? Më 9 qershor, banorët e Cyrihut do të votojnë për të ardhmen e qytetit në fushën...
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt