Zgjedhjet në Kosovë: Si do të votojnë personat e infektuar me Covid ?

Kryetarja e KQZ-së, Valdete Daka, në një intervistë dhënë për mediat kosovare ka treguar se si do votojnë personat e infektuar me Covid-19 në zgjedhjet e 14 shkurtit, përcjell albinfo.ch.

”Kemi kërkuar që të lajmërohen të gjithë ata qytetarët që janë me Covid-19 dhe të izoluar që kanë shprehur dëshirën të votojnë, ata do të kenë asistencën tonë, ne do t’i dërgojmë ekipet tona mobile nëpër shtëpitë e tyre dhe të njëjtit do mund ta ushtrojnë të drejtën e tyre”, ka thënë Daka.

Po ashtu, ajo ka treguar se ende nuk dihet numri i saktë të infektuarve me Covid-19 nëpër komunat e Kosovës që do votojnë.