Kosova

Dua Lipa i bën thirrje diasporës të votojë në zgjedhjet e 14 shkurtit

E mërkurë, 20 Janar 2021 - 13:40 albinfo.ch
Keystone (Photo by Vianney Le Caer/Invision/AP)

Këngëtarja kosovare me famë botërore, Dua Lipa i ka bërë thirrje diasporës që të marrë pjesë në zgjedhjet e jashtëzakonshme në Kosovë.

Lipa në profilin e saj në rrjetin social “Instagram”, ka shpërndarë linkun e KQZ-së, i cili mundëson që qytetarët që jetojnë jashtë Kosovës të regjistrohen dhe të marrin pjesë në zgjedhje.

Linku fillimisht është shpërndarë nga babai i këngëtares, Dukagjin Lipa.

“Bëj që zëri yt të dëgjohet. Ju mund të votoni nga kudo që të jeni”, thuhet në këtë publikim.

Zgjedhjet e jashtëzakonshme parlamentare në Kosovë do të mbahen te dielën e 14 shkurtit.

Ndërsa periudha e aplikimit për regjistrim për votim jashtë Kosovës do të përfundojë me 21 janar 2021, në orën 18:00 sipas kohës lokale në Kosovë.

 

 

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Mërgata do të votojë më 27 dhjetor në përfaqësitë diplomatike, KQZ jep udhëzime për procesin

 E-Diaspora

 Jeta në Zvicër