Koronavirusi: çast pas çasti
A e dini sa fituan miliarderët gjatë pandemisë?
Në dhjetor, pasuria e miliarderëve në botë shënoi rekord historik, në 11.950 miliardë dollarë
Virusi i pabarazisë, e cilëson COVID-19, Oxfam, organizata e angazhuar në luftën kundër pabarazisë, me rastin e hapjes së punimeve të World Economic Forum në Davos (25-29 janar).
Sipas një raporti të ri, 1000 njerëzit më të pasur në botë i rikuperuan në vetëm nëntë muaj të gjitha humbjet që kishin akumuluar për shkak të COVID-19. Ndërsa më të varfërve, për t’u rimëkëmbur nga pasojat katastrofike ekonomike të pandemisë do t’u duhen më shumë se 10 vjet, transmeton Monitor, përcjell albinfo.ch.
Më poshtë janë disa shifra për të përshkruar përmbajtjen e raportit.
540 miliardë
Kush ka fituar gjatë lockdown? Në botë, pasuria e 10 njerëzve më të pasur në botë është rritur me 540 miliardë dollarë nga fillimi i pandemisë, kjo shifër do të ishte më se e mjaftueshme për të paguar vaksinën për të gjithë banorët e planetit dhe për t’u siguruar që askush nuk do të bjerë në varfëri për shkak të virusit.
87%
Rritja e pabarazisë. Për herë të parë në një shekull, mund të regjistrohet një rritje e pabarazisë ekonomike në thuajse të gjithë vendet në të njëjtën kohë. Një sondazh global i kryer nga Oxfam nga 295 ekonomistë në 79 vende – në mesin e të cilëve Jeffrey Sachs, Jayati Ghosh dhe Gabriel Zucman – përforcon të tilla parashikime, me 87% të të anketuarve që presin “rritje” ose “rritje të ndjeshme” të pabarazisë së të ardhurave në vendin e tyre, për shkak të pandemisë.
5.50
Të ardhurat minimale. Në mungesë të një veprimi të përshtatshëm dhe të qëndrueshëm nga qeveritë, Banka Botërore parashikon, ndër të tjera, që brenda 2030, gjysmë miliard njerëz më shumë do të jetojnë në varfëri, me të ardhura më të ulëta se 5.50 dollarë në ditë.
112 milionë
Edhe një herë, gratë janë më të prekurat. Në nivel global, gratë janë kryesisht të punësuara në sektorët profesionalë të goditur më fort nga pandemia. Nëse niveli i punësimit midis burrave dhe grave do të ishte i barabartë në këta sektorë, 112 milionë gra nuk do të rrezikonin më të humbnin vendin e punës dhe si rrjedhojë, të ardhurat.
11.950 miliardë
Në dhjetor, pasuria e miliarderëve në botë shënoi rekord historik, në 11.950 miliardë dollarë, ose shuma e alokuar nga gjithë vendet e G20 për t’iu përgjigjur koronavirusit.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut