Kosova
Pas numërimit të votave të rregullta dhe me kusht, VV-ja mbetet me 56 ulëse në Kuvend
Numërimi i votave me kusht dhe atyre të personave me nevoja të veçanta vetëm ka përforcuar pozicionin e Lëvizjes Vetëvendosje në zgjedhjet e 14 shkurtit. Kjo parti, deri tash ka të siguruara 56 ulëse në Kuvend, teksa ka nisur numërimi i mbi 56 mijë votave të ardhura me postë.
VV-ja në zgjedhjet e muajit të shkuar pati marrë 47.85 për qind të votave, nga numërimi i mbi 791 mijë votave të rregullta. Pas numërimit të edhe mbi 29 mijë votave me kusht dhe të personave me nevoja të veçanta, VV-ja është ngritur në 47.94 për qind. Nga këto 29 mijë e 490 votat me kusht, VV-ja mori 14 mijë e 939, apo 50.6 për qind.
Rënie të lehtë kanë pasur të gjitha partitë e tjera. Partia Demokratike e Kosovës, pas llogaritjeve të votave të rregullta dhe atyre me kusht, ka 17.38 për qind të votave, apo 20 ulëse në Kuvend.
Lidhja Demokratike e Kosovës në votat me kusht ka marrë më pak se 10 për qind, dhe kjo ka bërë që ajo të bjerë në votat e përgjithshme në më pak se 13 për qind. Kjo parti deri tash ka saktësisht 12.95 për qind të votave. Me përllogaritjen “Sainte-Lague” që përdoret për ulëset në Kuvendin e Kosovës, kjo parti do të marrë 15 ulëse.
Aleanca për Ardhmërinë e Kosovës pas numërimit të 820 mijë e 778 votave të rregullta dhe me kusht, ka marrë 60 mijë e 910 vota, apo në përqindje 7.42 për qind. AAK-ja deri tash ka të siguruara 9 ulëse në Kuvend.
Nisma mbetet jashtë Kuvendit.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter