Kurti u përgjigjet Erdoganit dhe Netanjahut, pa përmendur ambasadën në Jerusalem

Kryetari i Lëvizjes Vetëvendosje, Albin Kurti, i ka shkruar një letër president turk, Tayyip Erodogan, duke e falënderuar për urimin që i ka bërë pas zgjedhjeve të 14 shkurtit, ku LVV-ja doli si parti e parë, përcjell albinfo.ch.

Në këtë letër që e kanë publikuar nga Lëvizja Vetëvendosje, Kurti thotë se në zgjedhjet e 14 shkurtit kosovarët kanë vendosur të ndryshojnë të ardhmen e tyre.

“Sapo Qeveria të formohet, do të shikoj të thellojmë marrëdhëniet tona përmes një bashkëpunimi të hapur”, shkruan Kurti në letrën falënderuese për Erdoganin.

Ai tutje thotë se shqiptarët në Turqi dhe turqit në Kosovë janë urë lidhëse e miqësisë në mes dy vendeve tona.

Në letrën falënderuese për kryeministrin izraelit, Netanyahu, Kurti thotë se e mirëpret faktin që marrëdhëniet mes dy popujve kanë arritur në lidhje diplomatike në mes dy vendeve.

“Unë e shoh këtë si një mundësi të forcimit të bashkëpunimit tonë politik, ekonomik dhe kulturor. Si kryeministër i ardhshëm i Republikës së Kosovës, do të jap i nderuar të adresojë çështjet relevante të komunitetit hebrej dhe trashëgimisë së saj në vendin tonë”, shkruan Kurti në letrën falënderuese dërguar Netanyahut.

Ndryshe në këto letra Kurti nuk ka përmendur çështjen e hapjes së ambasadës së Kosovës në Jerusalem, ndonëse kjo çështje është bërë temë diskutimi kohëve të fundit.