Nga sot, Zvicra do të vaksinojë numër të madh të njerëzve me vaksinën Pfizer/BioNtech

Keystone

Pas një vendimi të autoritetit rregullator Swissmedic, vaksina corona Pfizer / BioNtech nuk ka nevojë më të ruhet gjatë në ngrirjet speciale në Zvicër. Kështu,duke filluar nga sot, kjo vaksinë do të shpërndahet me të madhe tek popullata, transmeton albinfo.ch.

Të dhënat e paraqitura rishtazi të stabilitetit të rishikuara nga autoriteti tregojnë se cilësia është e garantuar deri në dy javë, madje edhe në temperatura të ngrirjes së thellë midis -25C dhe -15C.

Për shkak të faktit se vaksina nuk duhet të ruhet më në frigoriferë të veçantë, praktikat e mjekëve dhe farmacitë tani gjithashtu mund të injektojnë vaksinën.

Swissmedic shpreson se kjo do të mundësojë që niveli i vaksinimit të rritet në Zvicër.

Vetëm vaksinat Pfizer / BioNtech dhe Moderna po përdoren aktualisht në Zvicër, ndërkohë vaksina Johnson dhe Johnson që do të miratohet, nuk do të blihet nga qeveria zvicerane. /Albinfo.ch