Francë: Personat mbi 18-vjeç do të jenë në gjendje të vaksinohen nga 15 qershori

@franboloni

Franca do të hapë vaksinimin COVID-19 për njerëzit mbi moshën 18-vjeç nga 15 qershori, njoftoi të premten Presidenti Emmanuel Macron, pasi aktualisht vaksinimi është i hapur për këdo që është mbi moshën 55-vjeç.

Njoftimi vjen një ditë pasi Macron përshkroi planin e tij për të hequr përfundimisht kufizimet e COVID-19 në të gjithë vendin.

Ai synon që shumica e bizneseve jo-thelbësore, përfshirë baret dhe restorantet të rihapen plotësisht më 9 qershor.

Qeveria franceze është kritikuar ashpër për fillimin e ngadaltë të fushatës së vaksinimit.

Ajo arriti objektivin e saj për të administruar të paktën 10 milionë doza të para deri në mes të prillit dhe tani synon që 30 milionë njerëz të kenë marrë dozën e tyre të parë deri në mes të qershorit.

Deri të enjten, 14.9 milionë doza të para ishin administruar ndërsa 6.3 milionë njerëz janë injektuar plotësisht.

Sipas statistikave të qeverisë, kjo arrin në 30 përqind të njerëzve mbi moshën 18-vjeç, me 60 përqind të njerëzve mbi moshën 60-vjeç dhe 69-përqind të atyre të moshës 70-vjeç ose më shumë që kanë marrë të paktën një dozë.