A do të përfshihet Richard Grenell në procesin e dialogut Kosovë-Serbi?

Sa i përket Grenell-it, ish i dërguar special i SHBA-së për dialogun mes Kosovës dhe Serbisë – dhe lajmeve në disa media se ai po konsultohet edhe nga administrata e Joe Biden, Ambasada amerikane e bën të qartë se fjala e Grenell s’paraqet asgjë zyrtare.

Richard Grenell është veç një qytetar i thjeshtë amerikan dhe nuk përfaqëson më qëndrim zyrtar, por marrëveshja e arritur, përmes tij, në Uashington, në mes Kosovës e Serbisë vitin e kaluar është po aq zyrtare sa në kohën kur u nënshkrua.

Kështu thuhet në një përgjigje me shkrim të zyrës për media të Ambasadës së Shteteve të Bashkuara të Amerikës në Kosovë për Albanian Post.

“Si e tillë, ne presim që të dy palët të respektojnë premtimet e tyre dhe ne do të vazhdojmë të punojmë me Kosovën dhe Serbinë për t’i zbatuar plotësisht këto zotime”, thuhet në përgjigjen e Ambasadës amerikane në Kosovë, transmeton Albinfo.ch.

“Administrata e Biden-it kohët e fundit përfundoi një përmbledhje të plotë të politikave të saj në Ballkanin Perëndimor. Vendosi që shumë prej përpjekjeve të administratës së mëparshme, përfshirë angazhimet e Uashingtonit, ia vlen të ruhen dhe të ndërtohet në të ardhmen mbi to”.

Sa i përket Grenell-it, ish i dërguar special i SHBA-së për dialogun mes Kosovës dhe Serbisë – dhe lajmeve në disa media se ai po konsultohet edhe nga administrata e Joe Biden, Ambasada amerikane e bën të qartë se fjala e Grenell s’paraqet asgjë zyrtare.

“Zotëri Grenell është një qytetar privat i SHBA-së dhe si i tillë aktualisht nuk përfaqëson qeverinë e Shteteve të Bashkuara”.

 

---