Britanikët të zemëruar, nuk mund të bëjnë pushime në Portugali

Britania fut në listën e zezë Portugalinë

Britania largoi Portogalinë nga lista e gjelbër. Vendimi i Britanisë së Madhe për të hequr Portugalinë nga lista e vendeve ku mund të udhëtohet pa karantinë ka zemëruar turistët që gjenden atje apo që kanë planifikuar të shkojnë, përcjell albinfo.ch.

Autoritetet britanike publikuan të enjten listën e përditësuar me vendet e kuqe, portokalli dhe të gjelbra, ku ndryshimi kryesor ishte kalimi i Portugalisë nga kategoria e gjelbër tek ajo portokalli që parashikon karantinë për udhëtarët.

Vendimi praktikisht mbyll tregun e udhëtimeve turistike dhe thellon krizën pandemike për kompanitë ajrore.

Britania e madhe lejoi rifillimin e udhëtimeve më 17 maj, pas më shume se 4 muajsh izolim, me Portugalinë që u bë destinacioni i vetëm i madh, i hapur për turistët.

Mijëra britanikë që po pushojnë në destinacione portugeze, janë të pasigurt për atë që i pret pas rikthimit në shtëpi. Në listën e përditësuar të Britanisë, Shqipëria vijon të renditet mes vendeve portokalli, ku nuk rekomandohet udhëtimi.

---